Жол-көлік оқиғасы бүгін Суворов көшесі, 10 мекенжайы бойынша орын алған, деп хабарлайды pavlodarnews.kz тілшісі.
Инстаграм әлеуметтік желісіндегі kolesa_pavlodara парақшасында сағат таңғы 06.01-де қара түсті көлік төрт көлікті қағып өткені туралы ақпарат пайда болды.
«Камерада Chevrolet көлігінен шығып, жол апатына жол бергені көрініп тұр. Жүргізуші бір көз тастап, кетті де қалды», - деп жазылған хабарламада.
Аталған жайтты облыстық полиция департаментінде растап, қазіргі таңда көлік пен жүргізушіні анықтау бойынша жұмыс жүргізіліп жатқанын айтады. Бейнекамералар тексерілуде. Фото: kolesa_pavlodara