Қазақстанда жаңа пәтер нарығындағы баға саясаты тұрақтаған. Жыл басынан бері Қазақстандағы жаңа тұрғын үйлердің шаршы метрінің бағасы орташа есеппен 5% қымбаттап, 266 мың теңгеге жеткен. Бұл туралы Baq.kz, Ranking порталына сілтеме жасап хабарлады.
Еліміздің кейбір қалаларында жаңа пәтерлер бағасының төмендегені байқалған.
Ақтау қаласында баға 4,2% төмендеген, Көкшетауда – 4,5%, Павлодар мен Петропавлда – 24% дейін түскен. Бұл жайтты мемлекеттік бағдарлама бойынша салынған ауқымды құрылыспен түсіндіруге болады.
Сарапшылардың пайымдауынша, елімізде тұрғын үй салуда мемлекеттік-жекеменшік серіктестік түріндегі мемлекеттік қолдаудың тиімділігі артуда.
2017 жылдың қазаны мен 2018 жылдың қазаны аралығында тұрғын үй алу жөніндегі банктік заем мөлшері 17,2% өскен (184,6 млрд теңге), оның үстіне ипотекалық нарықтың жоғары активтендірілуі Қазақстанның барлық өңірінде байқалған.
