Алматы облысында орналасқан Қорғас кеден бекетінде шекарашылар елімізге Қытай дәрілерін заңсыз алып өтпек болған ер адамды ұстады, деп хабарлайды zakon.kz "Хабар 24" телеарнасы таратқан ақпаратқа сілтеме жасап.
21 жастағы Қазақстан азаматының жүгін тексеру барысында төрт қорапта салынған жалпы салмағы 68,5 келі болатын түрлі дәрі-дәрмектерді анықтады. Бүгінгі күні ұсталған адамның барлық жүгі актіленіп, Алтынкөл бекетіне тапсырылды. Осы іске қатысты арнайы сараптама жүргізіледі. Ал жүктің иесі әкімшілік жазаға тартылатын болады.