Канадалық мәнерлеп сырғанаушылар Денис Тен өнер көрсеткен әнмен чемпионатта жеңіске жетті. Бұл туралы goldenskate.com басылымына сілтеме жасап Stan.kz хабарлайды.
Кейтлин мен Эндрю ел біріншілігінде Starmania франциялық мюзикліндегі SOS d’un terrien en détresse әніне өнер көрсетті. Олар додада жеңіске жетті.
Кейтлиннің сөзінше, олар Денис Теннің бағдарламасын көргеннен кейін шабыттанып, аталған әнге өнер көрсетуді ұйғарған.
«Бұл бағдарлама өзің үшін қымбат болған адамдардың жоғалтқандағы сезімді бере алады деп ойлаймын. Біз өте қымбат досымызды жоғалттық. Бүгінгі эмоциялар шынайы болды», – дейді мәнерлеп сырғанаушы.
Мәнерлеп сырғанаушылардың сөзінше, олар бұл бағдарламаны суицид жасаған достары Джон Кафлинге арнаған.