Алматы полицейлері көшедегі "парковшиктермен" күресе бастады

Public Domain Pictures
Бір ғана арнайы шара барысында полицейлер 300-ге жуық заңсыз "парковщиктер" мен автобус "диспетчерлерін" ұстап алды.

Жергілікті полиция қызметінің инспекторлары базар, ойын-сауық орталықтары және өзге де қоғамдық жерлерде көлік қаңтаруға көмектесумен айналысатын тұлғалардың әрекетіне тосқауыл қоюда, деп хабарлайды Zakon.kz Алматының полиция департаментіне сілтеме жасап.

- Қалада көлік құралдарының паркингін бақылайтын автоматтандырылған жүйе жұмыс істейді. Алайда кейбір жерлерде жүргізушілердің көлік қоюы мен шығып кетуіне көмектесіп, сол үшін ақы алатын тұлғалар әлі де кездеседі. Ондай "парковщиктердің" бұл тірлігі ҚР Әкімшілік құқық бұзушылықтар туралы кодексінің 449 бабы – қоғамдық орындарда тиісу деп бағаланады. Биылғы жыл басынан бері 247 заңсыз "парковщик" әкімшілік жауапкершілікке тартылды. Автобус қозғалыстарының уақытын тіркеп тұратын тұлғалар да солардың қатарына жатады. Ондай "диспетчерлердің" жұмысы заңсыз – жолаушылар тасымалымен айналысатын мекемелерде ондай қызмет түрі көзделмеген, – деді Алматы ПД Жергілікті полиция қызметі басқармасының бастығы Төрехан Исин.

Әкімшілік жауапқа тартылған азаматтармен түсіндіру жұмыстары жүргізілді.

- Осындай заң бұзушылықпен екінші рет ұсталған жағдайда оларға қарсы қатаң жаза қолданылатынын түсіндірдік. Тіпті қамауға алынуы мүмкін. Рецидив – жазаны ауырлатады. Сонымен бірге көлік жүргізушілері де паркинг үшін ақы төленетін жерлерде төлемнің тек паркоматтар арқылы жасалатынын біліп, естен шығармауы тиіс, – деп қосты Төрехан Исин.

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Ұлытау облысында жыл басынан бері дрифт жасаған 14 көлік жүргізушісі жауапқа тартылды

1200-ден астам құқық бұзушылық: Астанада жаппай рейд жүріп жатыр

Астана, Алматы және Шымкент қалалары бойынша алдағы бес күнге арналған ауа райы болжамы

Қазақстандық пара спортшы Малик Мұқашев таеквондодан әлем чемпионы атанды

Алматыда полицейлер көлікпен электросамокат мінген жасөспірімдердің ізіне түсті