Белгілі тележурналист Ләззат Танысбай "Qazaqstan" РТРК" АҚ-ның жаңа басшысы болып тағайындалды, деп хабарлайды Zakon.kz ҚР Ақпарат және қоғамдық даму министрі Дәурен Абаевтың facebook-тегі парақшасына сілтеме жасап.
"Қымбатты достар!
Бүгін "Qazaqstan" РТРК" АҚ ұжымына жаңа басшы – Ләззат Танысбайды таныстырдым.
Ләззат Мұратқызы белгілі журналист, телевизия саласының білікті маманы әрі табысты топ-менеджер екенін өздеріңіз де жақсы білесіздер.
Л. Танысбай қазіргі уақытқа дейін қолға алынған іргелі шараларды одан әрі жалғастырып, корпорацияны жаңа деңгейге көтереді деп сенемін.
Ал, бұған дейін төрағалық қызметті абыройлы атқарған Ерлан Тынымбайұлы Қаринге алғыс айтып, жаңа қызметінде табыс тілеймін!" – делінеді министрдің постында.