9 маусымды демалыс күні ету бастамасын тағы бес базардың басшылығы құптады, деп хабарлайды Zakon.kz.
Сайлау күні жабық тұратын базарлар – "Ақ бұлақ", "Түрксіб", "Арлан", "Керуен", барахолка құрамындағы "Қазына", "Юпитер", "Рахат-2", "Сәлем" және "Кенжехан"
"Юпитер" сауда үйінің директоры Евгений Игумновтың айтуынша, оның кәсіпорны 2000 жылдан бері жұмыс істеп келеді. Реконструкциядан кейін базары сауда үйіне айналып, қазір онда 106 сауда орны бар, 150-дей адам жұмыс істейді.
"Кенжехан-2" базарының директоры Рахметжан Сейітов өз базарына жұмыс күндері күніне 3-4 мың адам, демалыс күндері 5-6 мың адам келетінін айтады. Оның базарында 1300-ден астам адам жұмыс істейді.
"Сәлем" базарының директоры Бауыржан Мәметовтің айтуынша, оның базарында 380 жұмыс орны құрылған. Ал "Қазына" базарында 400-дей адам жұмыс істейді.