Полицейлер алматылықтарды Қазақстанда тыйым салынған экстремистік ДВК қозғалысының рұқсат етілмеген митингтеріне қатыспауға шақырады, деп хабарлайды Zakon.kz.
– Құқық қорғау қызметтері ондай күмәнді шараларға қатыспауға шақырады. Ол шараларға рұқсат берілмеген. Егер көшеге шыққандардың арасында жүрмесе – қарапайым халықтың қауіптенетін жөні жоқ, – деді Алматы Полиция Департаментінің ресми өкілі Салтанат Әзірбек.
Митингке қатысу үшін емес, көшеде жәй жүрген қала тұрғындары байқаусызда ұсталып қалған жағдайда не істеу керек?
– Адамдар қандай жағдайда ұсталады? Заң талаптарына қайшы, полиция қызметкерлері жүрме, шықпа деген жерлермен әдейі өтетіндер ұсталады. Кездейсоқ адамдар ұсталмайды. Ұсталып жатқан жағдайда, аты-жөні анықталғаннан кейін әрбір жағдайда полиция кешірім сұрап, босатады, – деді Салтанат Әзірбек.