Ресей Украинаның Қырымын тартып алды. Украинаның Шығыс өлкелерінде – Донбасста, Луганск пен Донецк қалаларында Ресейшіл украиналық сепаратистер жайлап алды, деп жазады желіде қазақтілді қазақ ғалымы Әзімбай Ғали.
Украинаның Шығыс өлкелеріндегі Донбас-Луганск Ресейшіл сепаратистерді қолдап, Ресей оларға қару-жарақ пен танкілерді жіберді.
Украинаның басына келген сабағы: орысшылдық пен ресейшілдік. Қазақстанның қазағы қазақтанып келеді, тек 9% балаларын орыс мектебіне береді. Яғни, орыстілді қазақ азайып келеді. Бірақ әлі де қазақтың көп бөлігі Ресейдің теледидарының ықпалында. Бізге қазақ саяси ұлтжандылығы керек. Қазақ саяси ұлтжандылығын қолдамай, егемендіктің негізін қорғау мүмкін емес.
Қазақтың саяси элитасы әлі орыстілді.
Қазақтың саяси элитасы әлі орыстілді, сондықтан орысшылдық қауіпі тек Украинада ғана емес, Қазақстанда да ықпалды. Егемендік идеясының негізі – ұлтжандылықта екенін айтамыз. Сондықтан Қазақ тілді теледидар ұлттық құндылықтарға басымдылық берсе, деп уайымдайды ол.
