Бүгін "Nur Otan" партиясының төрағасы Нұрсұлтан Назарбаев Саяси кеңестің кеңейтілген отырысында Мәжіліс спикері Нұрлан Нығматулиннің кандидатурасын Мәжілістегі парламенттік фракция жетекшісі қызметіне ұсынды, деп хабарлайды Zakon.kz.
Фракцияның салмағы жоғары болуы керектігін атап өткен партия жетекшісі жұмысты күшейту жөнінде бірқатар міндеттер қойды.
– Мен Нығматулинді Мәжіліс фракциясының жетекшісі лауазымына ұсынамын... Фракция салмақты болуы керек, сонда беделді болады... Әлемнің басқа елдерінде бар ережелерді сақтай отырып, Мәжіліс төрағасы Нұрлан Нигматулинді фракция жетекшісі қызметіне ұсынамын, – деді Нұрсұлтан Назарбаев.
Нұрлан Нығматулин бұған дейін V-ші шақырылымда, 2012 жылдың қаңтарынан бастап 2014 жылдың сәуіріне дейін депутаттық фракцияны басқарған болатын.