Синоптиктер 14-16 қыркүйек күндері Қазақстанның басым бөлігінде жаңбыр жауып, күн салқындайды деп болжам жасады, деп хабарлайды Zakon.kz Қазгидрометке сілтеме жасап.
"Еліміздің оңтүстігіне бұлтты құйын жылжып келеді. Соған байланысты оңтүстік өңірдің кей жерінде найзағай ойнап, өткінші жаңбыр жауады. Қазақстанның оңтүстік, орталық және оңтүстік-шығыс аудандарында бұршақ жаууы мүмкін.
Ресейдің еуропалық бөлігінен ығысып келген ылғалды ауа ағындары Қазақстанның батыс және солтүстік өңірлерінде қатты жел тұрып, жаңбыр жаууына себепші болады. Ал Қазақстанның шығысында үсік жүріп, ауа температурасы айтарлықтай төмендеуі ықтимал", - делінген хабарламада.