Енді кез-келген тұрғын есірткі қылмысының алдын алуға және онымен күресуге өз үлесін қоса алады, деп хабарлайды Zakon.kz ҚР ІІМ баспасөз қызметіне сілтеме жасап.
Қазақстандықтар есірткі қылмысы, есірткінің заңсыз айналымы, есірткі жарнамалайтын граффити туралы WhatsApp-та 8 777 785 66 51 нөміріне хабарлай алады, қажет болса, фото мен видеоларды жібере алады. Түскен ақпарат бойынша есірткі қылмысымен күрес департаменті жедел шаралар қабылдайды.
Мысалы, граффити жазылған жердің фотосуретін (геоақпарат), белгілі бір мақсатсыз аулаларда жүрген күдікті адамдардың бейнелерін, оңай ақша табуды ұсынатын күмәнді хат-хабарлардың скриншоттарын және т.б. жібере алады.
