Сыбайлас жемқорлыққа қарсы іс-қимыл қызметі басшысының бірінші орынбасары Олжас Бектенов Алматы облысы әкімінің орынбасары Бағдат Мәнізоровтың ұсталғанын растады, деп хабарлайды Zakon.kz.
– Мәнізоров мырза, Алматы облысы әкімінің орынбасары қамауға алынған. Бұл ақпаратты растаймыз. Қазір ол уақытша ұстау абақтысында. Қазір оған қандай айып тағылып, қандай бұлтартпау шаралары қолданылатыны қарастырылуда, – деді Бектенов.
Бұдан өзге ақпарат әзірге жариялауға жатпайды екен.
– Тергеу құпиясы бар, Қылмыстық-процессуалдық кодекстің талаптары бар. Ондай ақпарат пайда болған кезде, біз оны бірден БАҚ-қа жеткіземіз, – деді спикер.
Мәнізоров Алматы облысы әкімінің орынбасары қызметіне 12 шілдеде тағайындалған еді.
Оған дейін Мәнізоров 2008 жылдан бастап 2017 жылға дейін Алматы қаласы Алатау ауданының әкімі болған.