Бүгін Мемлекет басшысы Қасым-Жомарт Тоқаев Маңғыстау облысына жұмыс сапарымен барады деп күтілуде, деп хабарлайды Хабар 24.
Президент халық жазушысы, Қазақстанның еңбек ері, мемлекет және қоғам қайраткері Әбіш Кекілбаевтің 80-жылдығына орай бой көтерген мұражай мен ескерткіштің ашылу салтанатына қатысады деп жоспарланып отыр.
Шараға зиялы қауым, танымал тұлғаның дос-жарандары, әріптестері, қаламгерлер шақырылды. Жазушының құнды мұрасын дәріптейтін мұражай ел игілігіне айналса, еңселі ескерткіш те көпшілік назарынан орын алатыны анық.
