Ақмола облыстық ПД Тергеу басқармасы бастығының орынбасары бюджеттік қаражатын жымқырды деп айыпталуда, деп хабарлайды Zakon.kz.
Ақмола облысының сыбайлас жемқорлыққа қарсы қызметі облыстық Полиция департаменті тергеу басқармасы бастығының орынбасарына қатысты бюджет қаражатын жымқырды деген күдік бойынша сотқа дейінгі тергеуді бастады.
Ол қылмыстық істер бойынша аудармашылардың қызметіне ақы төлеуге бөлінген жалпы сомасы 479 мың теңге бюджет қаражатын бірнеше рет жымқырды деген күдікке ілінді.
Сотқа дейінгі тергеу жалғасып жатыр.
Күдіктіге қатысты түпкілікті шешімді оның кінәсінің деңгейін анықтау арқылы сот қабылдайтын болады.
