Жемқорларды соттауымен танылған Олеся Кексельге қатысты іс тоқтатылды, деп мәлімдеді Сыбайлас жемқорлыққа қарсы қызметтің бұрынғы басшысы және бұрынғы бас прокурор, қазір сенат депутаты болып отырған Қайрат Қожамжаров, деп хабарлайды Zakon.kz.
Қожамжаровтың ақпаратынша, Олеся Кексельдің ісі қылмыс құрамының жоқтығына байланысты тоқтатылды.
- Арыз екі ай бұрын келіп түскен. Сенбі күні оған қылмыс құрамының жоқтығы себепті іс тоқтатылғаны хабарланды. Қазір шу шығып кетті, қайта қаралуы да мүмкін. Ондай ақпарат болған. Кексельдің өзіне тергеуші хабарласып, қылмыс құрамы жоқ, іс жабылды деген, - деді сенат депутаты.
