Қасым-Жомарт Тоқаев этникалық қазақтарға қатысты қасақана ушықтыру байқалады деп санайды, деп хабарлайды zakon.kz.
Ол бұл геосаясаттың бір бөлшегі екенін айтады.
- Біріншіден, Шыңжаңда Қытай Халық Республикасының азаматтары тұрады. Халықаралық құқық қорғау ұйымдары ұсынған көптеген мәліметтер шындыққа жанаспайды. Қалай болғанда да этникалық қазақтарға қатысты осы тақырып төңірегінде әдейі ушықтыру бар. Біз мұның геосаясаттың бір бөлшегі екенін жақсы түсінеміз, өйткені Қытай мен АҚШ сауда-саттық саласында бір-бірімен қақтығысып қалды. Келіссөздер қалай аяқталады, Қытайға қарсы санкциялар жойыла ма, жоқ па, оны уақыт көрсетеді. Бірақ Қазақстан жаһандық антиқытайлық майдан алаңына айналмауы керек, - деді Президент Deutsche Welle басылымына берген сұқбатында.
