Қазір қайта жаңарту жұмыстарынан өтіп жатқан автомобиль жолдары учаскелерінің бойында 14 санитарлы-гигиеналық торап орнатылып жатыр, деп хабарлады ҚР Индустрия және инфрақұрылымдық даму министрлігінің баспасөз қызметі.
"Щучинск – Зеренді" тасжолының бойында 1 санитарлы-гигиеналық торап жұмыс істесе, "Нұр-Сұлтан – Павлодар", "Жетібай – Жаңаөзен" жолдарында, "Қарағанды қаласының айналма жолында" санитарлы-гигиеналық тораптардың 11 бірлігі орнатылуда. 2 санитарлы-гигиеналық торап бойынша жеткізу жөніндегі келісімшарт жасалды. Әжетханалар "Шымкент – Тараз" тасжолының бойында орнатылмақ.
Айта кетейік, "QazAvtoJol" ҰК" АҚ ҚР ИИДМ Автомобиль жолдары комитетімен бірігіп, 2022 жылға дейін демалыс орындарында санитарлы-гигиеналық тораптардың 304 бірлігін орнату жөніндегі бағдарламаны әзірлеп, бекітті.