ҚР Парламенті Сенатының жалпы отырысында сенаторлар Жоғарғы Соттың судьяларын сайлады, деп хабарлайды zakon.kz.
Төлебай Қожан мен Бағлан Мақұлбеков отставкаға кетіп, Жоғарғы Соттың судьясы қызметінен босатылды.
Сонымен Жоғарғы Сот судьясы лауазымына Сембек Баймаханов, Вячеслав Салий, Ботагөз Ералиева, Есенбай Боранбаев, Арыстанбек Ыстыбаев сайланды.
- Жоғарғы Соттың екі судьясының отставкаға кетуі зейнет жасына жетуімен байланысты. Сот жүйесіндегі жұмыс барысында Қожан мен Мақұлбеков беделді және тәжірибелі судья екендіктерін дәлелдеп, құрметті еңбек демалысына кетті, - деді Жоғарғы Сот Кеңесінің төрағасы Талғат Донақов.
Ол сайлауға түскен бес үміткер де сот ісінде үлкен тәжірибесі бар жоғары білікті мамандар екенін баса айтты. Үміткерлердің төртеуі облыстық соттардың судьялары болса, сонымен қатар үшеуі облыстық сот алқасының төрағасы ретінде жұмыс тәжірибесіне ие.
- Ұсынылған кандидаттардың екеуі азаматтық-құқықтық мамандандырылған судьялар, ал үшеуі қылмыстық істер бойынша айтарлықтай тәжірибеге ие. Барлық үміткерлер ісіне жауапты және лауазымды жұмысқа дайын, - деді Донақов.