АҚШ Конгресі Дональд Трамптың Иранға қатысты әскери өкілеттігін шектемек, хабарлайды "Хабар 24".
Өкілдер палатасының спикері Нэнси Пелоси қазір осыған байланысты резолюция дайындалып жатқанын мәлімдеді. Капитолийдегілер президент әкімшілігінің генерал Сулейманидің көзін жою операциясын ешбір кеңессіз ұйымдастырғанына алаңдаушылық білдіріп отырған көрінеді.
Пелосидің сөзінше, Сулейманидің өлімінен Америка әскері мен дипломаттарына қауіп төнді. Бұған қоса, ол Иранмен арадағы шиеленісті де айтарлықтай ушықтыра түсуі мүмкін.
Айта кетелік, алдында Пентагон Трамптың Сулейманиді өлтіру туралы әскери басшылықпен кеңеспегенін айтқан.
