Талғат Мұхтаров жаңа лауазымды қызметке тағайындалды, деп хабарлайды zakon.kz.
"Мемлекет басшысының Өкімімен Талғат Сәбитұлы Мұхтаров Қазақстан Республикасы Мемлекеттік күзет қызметі бастығының орынбасары болып тағайындалды", делінген Ақорда хабарламасында.
Бұған дейін ҚР Тұңғыш Президенті - Елбасының шешімімен Талғат Мұхтаров ҚР Қауіпсіздік Кеңесінің Әскери қауіпсіздік және қорғаныс бөлімінің бастығы қызметінен босатылған болатын.
Талғат Мұхтаров 1966 жылы 5 наурызда Қарағанды облысының Теміртау қаласында туған. Е.А.Бөкетов атындағы Қарағанды мемлекеттік университетін "Құқықтану" мамандығы бойыншабітірген; 2011 жылы ҚР Ұлттық қорғаныс университеті жанындағы жоғары академиялық курстан өткен; 2016 жылы ҚР Тұңғыш Президенті - Ұлт Көшбасшысы атындағы Ұлттық қорғаныс университеті, магистратура.
Еңбек жолы:
- Қазақстан Республикасы Бас Прокурорының әскери прокуратура органдарында қызмет еткен (09.1992-11.1994);
- Аса маңызды істер бойынша аға тергеуші, ҚР Ұлттық қауіпсіздік комитеті органдарында департамент бастығының орынбасары, департамент бастығы, департаменті бастығының орынбасары (12.1997-09.2011);
- ҚР Қорғаныс министрлігінің кадрлар департаментінің басшысы (09.2011-2014 жж.);
- ҚР Қорғаныс министрінің орынбасары (04/07 / 2014-2016);
- ҚР Қорғаныс министрлігінің Әдеп жөніндегі уәкілі (05.2016-2019);
- ҚР Қауіпсіздік Кеңесінің әскери қауіпсіздік және қорғаныс бөлімінің бастығы (04.2019 ж. бастап).