Бауыржан Исламхан ойнайтын "Аль-Айн" азиялық Чемпиондар лигасының алғашқы турында өз алаңында Иранның "Сепаханынан" 0:4 есебімен ұтылды, деп хабарлайды zakon.kz Sports.kz-ке сілтеме жасап.
Исламхан алғаш рет "Аль-Айн" сапында алаңға алғашқы минуттардан бастап шықты.
38-ші минутта "Сепахан" сапынан Мохаммад Мохеби есеп ашып кетті. 46-шы минутта ирандықтардың бразилиялық шабуылшысы Кирос есепті еселеді. 52-ші минутта Соруш Рафиели "Аль-Айнға" үшінші топты тықса, 78-ші минутта кездесудің нүктесін Мохаммад Таеби қойды.
Нәтиже сол – "Аль-Айн" 0:4 есебімен оңбай ұтылды.
Исламхан 90 минут бойы алаңда болды, бірақ пәлендей көзге түскен жоқ.
Азиялық Чемпиондар лигасының D тобында "Аль-Айн" мен "Сепаханнан" бірге "Аль-Наср" (Сауд Арабиясы) және "Аль-Садд" (Катар) ойнайды.
"Аль-Айн" келесі кездесуін 14-ші ақпанда БАӘ чемпионатында "Иттихадқа" қарсы өткізеді.