Иранның денсаулық сақтау министрінің орынбасары Ирадж Харирчи коронавирус жұқтырды. Бұл туралы елдің Денсаулық сақтау министрінің кеңесшісі Али Реза Вахабзаде мәлімдеді, деп хабарлайды zakon.kz РИА Новости-ге сілтеме жасап.
Коронавируспен күресіп келген Денсаулық сақтау министрінің орынбасары доктор Харирчиге жасалған тест коронавирусты анықтады, деп жазды Вахабзаде Twitter-де. Харирчи мен Иран үкіметінің өкілі Али Рабия қатысқан баспасөз мәслихатында министрдің орынбасары бірнеше рет жөтелген.
Қытайда инфекция жұқтырғандардың саны 77 мыңнан асты, 2592 адам қайтыс болды, 24 мыңнан астамы емделді.
ДДСҰ деректерінше, Қытайдан тыс жерлерде инфекциялардың саны 1769-ға жетті, 17 адам қайтыс болды.
