АҚ "Қазатомөнеркәсіп "ҰАК" тағы да әкімшілік жауапкершілікке тартылды, деп хабарлайды zakon.kz ҚР Энергетика министрлігінің баспасөз қызметіне сілтеме жасап.
Қазақстан Республикасы Энергетика министрлігінің Атомдық және энергетикалық қадағалау мен бақылау комитеті бұрын жүргізілген тексерудің нәтижесі бойынша берілген анықталған бұзушылықтарды жою туралы нұсқаманың орындалуын бақылау шеңберінде "Қазатомөнеркәсіп "ҰАК" АҚ-ға қатысты жоспардан тыс тексеру жүргізді.
Тексеру нәтижелері бойынша ұйғарымды орындамау фактісі бойынша, атап айтқанда ядролық материалдарды мемлекеттік есепке алу ережелерінің талаптарын бұзу фактісі бойынша Әкімшілік құқық бұзушылық туралы іс қозғалды. Аталған әкімшілік іс Нұр-Сұлтан қаласының мамандандырылған ауданаралық әкімшілік сотында қаралып, "Қазатомөнеркәсіп "ҰАК" АҚ-ны әкімшілік жауапкершілікке тарту туралы шешім шығарылды.