Қызылорда облысында COVID-19 вирусын жұқтырған жүкті әйел аман-есен босанды. Бұл туралы ҚР Денсаулық сақтау вице-министрі Лззат Ақтаева өзінің Facebook парақшасында жазды, деп хабарлайды zakon.kz.
Жүкті әйел 8 сәуірде толғақ қысып провизорлық перзентханаға түскен. Әйелде ЖРВИ симптомдары болған. Кейін талдау нәтижесі қанда коронавирус барын анықтады. Оның дене қызуы 38,1 градусқа дейін көтерілген.
"Толғақ басталып, бала аман-есен өмірге келді. Салмағы - 2970 грамм, бойы 51 см. Баланың жағдайы бірқалыпты. Нәрестеден Covid-19 анализі алынды" - деп жазды вице-министр.
COVID-19 вирусынан толық емделіп шығуы үшін әйел инфекциялық стационарға жатқызылды. Ал толғағы қысқан әйелді қабылдап алған кезекші бригада мүшелері бірден үйдегі карантинге жатқызылды.