Қазақстанда коронавирустың ең көп таралу деңгейі сәуірдің соңы немесе мамырдың басы делінеді. Бұл туралы брифингте Денсаулық сақтау министрлігі Тауарлар мен қызметтердің сапасы мен қауіпсіздігін бақылау комитетінің төрайымы Людмила Бюрабекова айтты, деп хабарлайды zakon.kz.
"Біздің зерттеу орталықтарында алдын-ала дайындалып жатқан болжамдарға сәйкес, коронавирус инфекциясының тараудағы шарықтау шыңы сәуір немесе мамыр айларында игеріледі, болжам бойынша ол кезде жаңа вирусты жұқтырғандар саны екі мыңнан асуы ықтимал", - деді Бюрабекова.
Бұған дейін ол Қазақстанда 13 сәуірде сағат 17: 00-де коронавирус инфекциясының 979 расталған жағдайы тіркелгенін хабарлады. Оның ішінде 110-ы - сауыққандар, 21-нің жағдайы ауыр, 12-сі - көз жұмғандар.
Орташа алғанда, күнделікті өсім 9,9% құрайды. Өткен тәулікте Қазақстан Республикасында 86 жаңа жағдай тіркелді, өсім - 9,9%, оның ішінде: Нұр-Сұлтан қаласында - 20 (8,7%) және Алматыда - 28 (20,4%).