Көптеген алматылықтар қалада ешкімге ескертілместен коменданттық режим енгізілгеніне сенімді, өйткені қала тұрғындары кешкі жетіден кейін үйден мүлдем шыға алмай қалған. Полиция бұл пікірге қатысты түсінік берді, деп хабарлайды zakon.kz.
Алматы қалалық ПД Әкімшілік полиция басқармасының бастығы Нұрлан Аманбек полицияның Инстаграм парақшасындағы онлайн сұқбаты кезінде үйден шығуға байланысты уақыт бойынша ешқандай тыйым жоқтығын айтты.
Алайда, қолданыстағы карантинге байланысты шектеулердің күшін әлі ешкім жойған жоқ - тек аса қажет болған жағдайда үйден шығуға болады: дүкенге, дәріханаға, рұқсатнамамен жұмысына баруға болады.
"Түнде жүруге болады ма" деген сұраққа ол "жоқ" деп кесіп жауап берді.