Мұның мәнісін арнайы брифингте Алматының бас санитарлық дәрігері Жандарбек Бекшин түсіндірді, деп хабарлайды zakon.kz.
Оның айтуынша, тұрғындар арасында коронавирус ауруы әлі тіркеліп жатыр. Өткен аптада күніне 25-тен 117 оқиғаға дейін тіркелді. Біз тағы да ескерте отырып, қалада адамдардың көп жиналуына тыйым салу үшін қосымша шаралар енгізуге мәжбүрміз, - деді ол.
Бекшиннің айтуынша, жекеменшік үйді жалға алып, түрлі іс-шаралар өткізуге тыйым салынады.
Бұл көп адамның шоғырлануына және аурудың жаппай жұғуына әкеліп соғады. Сондықтан да бұл шектеулер енгізілген еді, - деп сөзін түйіндеді ол.
Бұған дейін алматылықтарға көпшілікке арналған іс-шаралар өткізу үшін жеке үйлерді жалға беруге тыйым салынады деп хабарланған болатын.