Дүниежүзі қазақтары қауымдастығының баспасөз хатшысы Сырымбек Төлеу праймеризге қатысуға шешім қабылдағанын мәлім етті.
Тәуелсіздіктің ақ таңы атып, өшкені жанып, өлгені тірілгендей қазақ дүр сілкініп, қайта түледі. Осы Тәуелсіздік жылдары елімізге 2 миллонға жуық қандастарымыз көшіп келді. Оның ішінде еліміздің әлеуметтік-экономикалық, мәдени-рухани дәрежесі жоғары деңгейінге көтерілуіне шетелден келген қандастарымыз өз деңгейінде үлес қосып келеді.
Атап айтсақ, ғалым, тарих ғылымының докторы, профессор Зардыхан Қинаятұлы, Дін және қоғам қайраткері, жазушы Халифа Алтай, Халықаралық түрік академиясының ғылыми қызметкері, филология ғылымдарының кандидаты Ақеділ Тойшанұлы, ҚР Ауыр атлетикасының мемлекеттік жаттықтырушы, ҚР еңбек сіңірген жаттықтырушы Мендіхан Тәпсірұлы сияқты аты аталмаған қаншама қандастарымыз бар.
Тарих беттеріне көз жүгіртсек, қазақ халқында "Қасым ханның қасқа жолы" Әз Тәукенің Жеті жарғысы" секілді заңдардың болғанын байқаймыз. Заң біздің барша жарқын істеріміздің қайнар бастауына айналып отыр. Сондықтан, еліміздегі жастарға арналған тиімді баспана, қоғамдағы күрделенген мәселелерді әсіресе саяси қуғын-сүргін құрбандарын ақтау мәселелерін депутат ретінде қарастырғым келеді.
Көші-қонға қатысты Заңнамаларды талқылауға қатысып, біраз оң өзгерістердің енуіне ат салысып келемін. Сөйтіп, қандастарымыздың кедергісіз құжаттануына қолымнан келгенше үлес қосудамын.
Праймериздің негізгі мақсаты – алдағы Мәжіліс пен барлық деңгейдегі мәслихаттар сайлауларына партиялық тізімдерді қалыптастыру үшін бәсекелес күрес негізінде жаңа көшбасшыларды айқындау болып отыр. Жаhандық бәсекеге қабілетті жастар мен қоғамдық өмірінде жетістіктері бар қандас болып көшіп келген, бүгінде ел азаматтарын праймеризге қатысуға шақырамын.