Судьялардың коронавирус инфекциясын жұқтыруына байланысты Нұр-Сұлтан қаласында соттардың ғимараттары жабылды, деп хабарлайды zakon.kz.
Нұр-Сұлтан қаласының жеке судьялары мен сот қызметкерлерінің коронавирус инфекциясын жұқтыруына байланысты 2020 жылдың 24 маусымы мен 3 шілдесі аралығында сот ғимараттарында карантин жарияланды, деп хабарлайды елордалық соттың баспасөз қызметі.
Әкімшілік істерді, алдын-алу шараларын санкциялау, қамауда ұстау мерзімін ұзарту және кейбір жедел қарауды қажет ететін материалдарды қоспағанда, сот істерін онлайн режимінде қарау кейінге қалдырылды.
- Бұл - мәжбүрлі шаралар және азаматтардың денсаулығын сақтауға бағытталған. Бұған түсіністікпен қарауларыңызды сұраймын. Өзіңізге және жақын адамдарыңызға қамқор болыңыз! - делінген хабарламада.