Алматы облысында қызмет бабында көз жұмған 42 медицина қызметкерінің туыстарына марапат табыс етілді, деп хабарлайды zakon.kz.
Алматы облысы әкімдігінің баспасөз қызметінің хабарлауынша, Президент Қасым-Жомарт Тоқаев коронавирус пен пневмониядан қайтыс болған 42 медицина маманын көз жұмғаннан кейін марапаттады. Қызметтік міндетін үлгілі атқарғаны, азаматтардың денсаулығын қорғаудағы қажырлы еңбегі үшін қайтыс болғаннан кейін марапатталған азаматтар ішінде:
Алматы облысының тауарлар мен қызметтердің сапасы мен қауіпсіздігін бақылау департаментінің басшысы Қайрат Баймұхамбетов – ІІ дәрежелі "Барыс" орденімен;
Алматы облысы Жамбыл ауданы Ұзынағаш ауылындағы аудандық орталық аурухананың дәрігері Бегалдин Алашбаев "Құрмет" орденімен наградталды.