Ресей Федерациясының көршілес Орынбор облысының тұрғыны өзенді кешіп өткен видеосын әлеуметтік желіге жүктеді. Ол Қазақстан мен Ресей үшін ортақ өзен - Оралдың жағдайына осылай назар аудартпақ болған. Видеода ол кешіп өткен өзен суы адамның тізесінен-ақ келеді. Ол: "Біз осылайша Оралды құрттық", - дейді видеода, деп хабарлайды zakon.kz Ақ Жайық басылымына сілтеме жасап.
Жас жігіт жергілікті және федералды органдардың көмегіне жүгініп, Орал өзенін қалпына келтірудің нақты шараларын қабылдауды сұрайды.
Біздегі өзеннің жағдайы тап сондай мүшкіл болмағанмен, жағдайдың қиын екені рас. Орал мен Атырау облыстарында су деңгейінің төмендеуі әлдеқашан тіркелген. Мамандар өзен экологиялық апат шегінде тұрғанын атап өтті.
