Ресей президенті Владимир Путин АҚШ президенттігіне кандидат Джо Байденге Мәскеу тарапынан құттықтау жолданбай жатуының астарынан қандай да бір ілік іздеуге ешқандай негіз жоқ екенін айтты, деп хабарлайды zakon.kz РБК-ға сілтеме жасап.
- Бұл біздің біреуді ұнатып немесе біреуді жақтырмай жатыр деген сөз емес, біз тек ішкі саяси текетірестің аяқталуын күтіп отырмыз, - деді Путин.
АҚШ-тағы президент сайлауы 3 қарашада өтті, бірақ бюллетеньдерді санау сайлауға қатысушылардың рекордтық көрсеткіші және 100 миллион сайлаушының пошта арқылы дауыс беруіне байланысты кешіктірілді. АҚШ-тың бұқаралық ақпарат құралдары өздерінің есептеулеріне сүйене отырып, демократ Джо Байденді саяси доданың жеңімпазы деп атады.