Сауда және интеграция министрінің бұйрығымен Азамат Асқарұлы "QazTrade "Сауда саясатын дамыту орталығы" АҚ Бас директоры болып тағайындалды, деп хабарлайды zakon.kz.
Бұған дейін ҚР Үкіметінің қаулысымен А.Асқарұлы Сауда және интеграция вице-министрі қызметінен босатылды.
Азамат Асқарұлы - Талдықорған қаласының тумасы, 1984 жылы туған.
Еңбек жолын 2009 жылы "Самұрық-Қазына-Инвест" ЖШС-да бастады және келесі қызметтерді атқарды:
- Қаржы департаментінің бас менеджері (2009-2010 жж.);
- Халықаралық қатынастар және мемлекеттік органдармен және қаржы институттарымен жұмыс департаментінің директоры (2010-2012 жж.);
- Халықаралық қатынастар департаментінің директоры (2012-2014 жж.).
Сонымен бірге "Қазақстан темір жолы Экспресс" АҚ Әуетасымалдары департаментінің бас менеджері болып жұмыс істеді.
Қазақстан Республикасы Премьер-Министрі орынбасарының кеңесшісі болып жұмыс істеді (2016-2019 ж.ж.).
Сонымен қатар, еңбек өмірбаяны шетелде жұмыс істеуді қамтиды.
2014-2016 жылдар аралығында "KTZ Express Hong Kong" ЖШҚ (Гонконг қ., ҚХР) басқарды.
Ол:
- Әл-Фараби атындағы Қазақ ұлттық университетін, "Халықаралық қатынастар" біліктілігімен, 2006 жыл;
- Гарвард университетін (Кеннеди атындағы мектеп) "Мемлекеттік саясат" біліктілігімен, 2009 жыл;
- Гонконг ғылым және технология университетін, "Іскерлік әкімшілік магистрі" біліктілігімен, 2016 жыл бітірді.
Осы тағайындауға дейін 2019 жылғы 9 шілдеден бастап Азамат Асқарұлы Қазақстан Республикасының Сауда және интеграция вице-министрі қызметін атқарды.
