12 желтоқсанда түсте Қарағанды облысынан шығатын жолдар ауа-райы қолайсыздығына байланысты жабылды, қалааралық көліктер де тоқтады. Осыған байланысты қазір Қарағандыда жұмыс істейтін жүздеген теміртаулықтар үйлеріне бара алмай отыр. Ал такси болса, жолпұлды 10 есеге өсірген, деп хабарлайды zakon.kz.
"Жаппай жол-көлік оқиғасы Нұр-Сұлтан - Қарағанды тас жолында болды. Бірден 6 көлік соқтығысты. Апаттың себебі - қатты боран салдарынан жолдың нашар көрінуі. Бақытымызға орай, ешкім ауыр жарақат алмады, бірақ кейбір көліктерді қалпына келтіру мүмкін емес. Таңертеңнен бастап Орталық Қазақстандағы қолайсыз ауа-райы. Жел секундына 20 метрге жетеді. Осыған байланысты Қарағанды облысында қалааралық қоғамдық көліктер тоқтатылды. Ал қала сыртына қатынайтын такси жүргізушілері бағаны 10 есе көтерді", деп хабарлайды astanatv.
Төтенше жағдайлар министрлігінің хабарлауынша, бұрқасын салдарынан алты облыста көліктердің барлық түрлері үшін қозғалыс жабық. Бұл Нұр-Сұлтан қаласы, сондай-ақ Солтүстік Қазақстан, Ақмола, Қостанай, Павлодар және Қарағанды облыстарында. Құтқарушылар мен тәртіп сақшылары қалалар мен аудандардан тыс жерлерге шықпауға кеңес береді. Автомагистральдарды жабу туралы ақпаратты 1403 телефонына хабарласу арқылы алуға болады.
Талғат ОСПАНОВ, ҚАРАҒАНДЫ ОБЛЫСЫ, ДП ОБЛЫСТЫҚ БАТАЛИОНЫНЫҢ ҚОМАНДАРЫ:
- Құрметті Қарағанды қаласының тұрғындары мен қонақтары, ауа райының нашарлауына байланысты - қатты боран мен қардың жауып кетуіне байланысты қала маңындағы жолдарға шықпаңыздар.
