Вице-министр, еліміздің бас санитарлық дәрігері Ерлан Қиясов Қазақстандағы эпидемиологиялық жағдайдың нашарлап бара жатқанын мәлімдеді, деп хабарлайды zakon.kz тілшісі.
Ол қазір 5 732 науқас ауруханаларда, ал 357 адам жан сақтау бөлімінде жатқанын атап өтті.
Соңғы айда біздің еліміздегі эпидемиологиялық жағдайдың нашарлағанын көріп отырмыз. Қазақстан "жасыл" аймақтан "сарыға" өтті. Қостанай және Ақмола сынды екі облыс "сары" аймақтан "қызылға" өтті. Қазіргі уақытта Нұр-Сұлтан мен Алматы қалаларында, СҚО, Павлодар және Атырау облыстары - "сары" аймақта. Қаңтарда Батыс Қазақстан облысы "жасылдан" "сары" аймаққа ойысты. Қалған облыстар "жасыл" аймақта болып саналады, - деді еліміздің бас санитарлық дәрігері Ерлан Қиясов.