"Азаматтарға арналған үкімет" Халыққа қызмет көрсету орталықтары мен авто орталықтарында пайда болған кісі кезегіне қатысты түсініктеме берді, деп хабарлайды zakon.kz.
Бүгінгі күні халыққа мемлекеттік қызмет көрсетумен айналысатын жеке ақпараттық жүйелер дұрыс жұмыс істемей жатыр. Осыған байланысты ХҚКО мен көліктерге арналған ХҚКО да кезек қаптап кетті, делінген хабарламада.
Қазіргі уақытта "Ұлттық ақпараттық жүйелер" АҚ мамандары техникалық ақауларды жөндеп жатыр.
"Азаматтарға арналған үкімет" әрбір қызмет алушыға шыдамдылық танытып, мүмкіндігінше адамдар көп болатын жерлерден аулақ болуды сұрайды және мемлекеттік қызметтерді онлайн алуды ұсынады.