1 ақпанда Мәжілістің Әлеуметтік мәдени-даму комитетінде "Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы" заң жобасының таныстырылымы өтеді, деп хабарлайды zakon.kz Мәжілістің баспасөз қызметіне сілтеме жасап.
Отырыс сағат 11.00-де www.parlam.kz сайтында онлайн режимде көрсетіледі.
Таныстырылымда Еңбек және халықты әлеуметтік қорғау министрі Серік Шәпкенов баяндама жасайды.
Аталған заң жобасы бойынша жұмыс тобына депутат Жанат Омарбекова жетекшілік ететін болады.
