2021 жылдан бастап 50 алматылық әскери билетті онлайн алу мүмкіндігін пайдаланды, деп хабарлайды zakon.kz.
Алматы қаласы Қорғаныс істері жөніндегі департаменті 9 түрлі мемлекеттік қызмет көрсетеді. Оның ішінде әскери билетті электронды форматта беру де бар.
Бүгінде онлайн-мемлекеттік қызметтерге сұраныс артты. Бұл - көптеген мекеме жабылған немесе жұмыс онлайн режиміне ауысқан карантин жағдайында өте ыңғайлы, - деді Алматы қорғаныс істері жөніндегі департаментінің бастығы, полковник Амантай Өсербаев.
2020 жылы 1000-нан астам алматылық электронды форматта әскери билет алғанын атай кеткен жөн.
Айта кетсек, мемлекеттік қызметтер көрсету сапасын арттыру аясында Қорғаныс министрлігі халыққа ұсынылған 16 қызметтің 15-ін электронды форматқа ауыстырған болатын.