Қазақстанның шығысында аяз күшейіп келеді, деп хабарлайды zakon.kz.
"Қазгидромет" РМК Қазақстандағы 11-13 ақпанға арналған ауа-райы болжамын жариялады.
Синоптиктердің айтуынша, алдағы үш күнде Қазақстандағы ауа-райын екі табиғи құбылыс анықтайды.
Республикамыздың шығысына қарай жылжитын суық антициклонның салдарынан сынап бағаны минус 28-ден 33 градусқа дейін төмендеп, қатты аяз болады. Ал батыс аймақтар, керісінше Балқан циклонының ықпалында болады, ол жаңбыр мен қар түрінде жауын-шашын әкеледі. Мұнда көктайғақ, тұман және ауа температурасының жоғарылауы күтіледі, деп атап өтті синоптиктер.