Алдағы демалыс күндері күн күрт суытып, аяз болады деп болжанады, деп хабарлайды zakon.kz.
"Қазгидромет" РМК 20-22 ақпанға арналған ауарайы болжамын жариялады.
Метеорологтардың айтуынша, қар, қар аралас жаңбыр түрінде жауын-шашынды тудырған Оңтүстік Каспий циклоны Қазақстан ойысып, басқа жаққа бет алады.
Енді елімізге қарай антициклон жылжып келеді, бұл жауын-шашынның кілт тоқтауына әсер етеді. Жылы күндер аязды түндерге ұласады, тіпті оңтүстік өңірлердегі + температура теріс температураға көшеді деп күтілуде, - делінген хабарламада.