Шымкент қаласы әкімінің есеп беру кездесуі кезінде жарық сөніп қалды, деп хабарлайды zakon.kz.
BaigeNews.kz хабарлағандай, ыңғайсыз жайт Мұрат Әйтеновтің қалалықтармен бейнеконференция арқылы байланысқа шыққан студияда орын алған.
Әкім қала тұрғынының сұрағына жауап беріп жатқан сәтте жарық сөніп қалды. Бірақ, Әйтенов еш саспастан, сөзін қараңғыда жалғастыра берді.
Айта кетсек, алдында Бердібек Сапарбаевтың онлайн жиыны кезінде де оқыс жайт орын алып, мінберге тағылған елтаңба салдыр-гүлдір құлаған еді.
