Өскеменнің бұрынғы әкімі Қуат Тұмабаев жаңа қызметке орналасты, деп хабарлайды zakon.kz.
Сауда және интеграция министрлігінің сайтында хабарланғандай, Қуат Тұмабаев қазір Экспортты ілгерілету департаментінің директоры болып табылады.
Шығыс Қазақстан облысы орталығының экс-әкімінің есімі атышулы іспен байланысты, яғни 2018 жылы кісі өліміне әкеліп соққан жол апатымен. Жол жиегімен кетіп бара жатқан 19 жастағы жаяу жүргінші BMW қағып, қаза тапты. Көлікті Риддер қаласы әкімінің орынбасары Құрманбаев тізгіндеген. Ал оның қасында Өскемен қаласының әкімі (сол кезде) Қуат Тұмабаев болған. Ол осы іс бойынша куәгер ретінде сотқа тартылды. Осы оқиғадан кейін бірнеше ай өткен соң Шығыс Қазақстан облысының әкімі Даниал Ахметов Тұмабаевқа отставкаға кетуге кеңес берді, өйткені оның мұндай жоғары мемлекеттік қызметте жұмыс істеуге моральдық құқығы жоқ екені айтылды.