Әлеуметтік желілерде Маңғыстау облысында өлген леопардтың өлексесі табылғаны туралы ақпарат пайда болды, деп хабарлайды zakon.kz.
– Мұндай жағдай осы өңірде осымен екінші рет болып отыр. 2015 жылдың басында Жаңаөзенде жергілікті тұрғындар бір леопардты өлтірген болатын. 2018 жылы Үстірт қорығының аумағына тағы бір лепардтың кіргені тіркелген. 2021 жылы леопардтың осы түрі Қазақстанның Қызыл кітабына енгізілді. Өкінішке қарай, Маңғыстау өңірінде осындай екінші жағдай болып отыр. Егер хайуан адамның кінәсінен өлтірілген болса, онда құқық қорғау органдары кінәлі адамның жеке басын анықтау үшін барлық шараларды қабылдауы керек, деп жазды экобелсенді Сәкен Ділдахмет.