Ұлттық экономика министрі Әсет Ерғалиев қазақ тілін үйрену үшін күн сайын 1,5 сағат арнайтынын айтты, деп хабарлайды zakon.kz тілшісі.
Мен қазақ тіліне барып, күн сайын 1,5 сағат сабақ алып жүрмін. Жуырда таза қазақ тілінде сөйлеуге уәде беремін. Ұлттық экономика министрлігінде маған тиісті бөлімнің қызметкері бар, ол маған қазақ тілін үйретеді, - деді Әсет Ерғалиев ОКҚ-да өткен брифингіде.
Ол өзіне министрлікте жұмыс істейтін аудармашылар да тілді үйренуге көмектесетінін айтты.
Бізде кез-келген министрлікте, мемлекеттік органдағыдай аудармашылар бар, олар құжат аударумен айналысады. Олардың арасында қазақ тілін жақсы білетін жігіттер бар. Біз бірге отырып, әр баяндамаға дайындаламыз. Олардың жылдар бойына қалыптасқан өзіндік әдістемелік базасы бар. Осы әдістемелік базаны пайдаланып мен қазақ тілін үйреніп жүрмін, - деп нақтылады Ұлттық экономика министрі.
Айта кетсек, Мәжілістегі алғашқы баяндамасы кезінде Әсет Ерғалиевке депутаттық сауалға қазақ тілінде жауап бере алмағандығы үшін сөгіс жарияланған болатын.
