Желіде Шымкентте коронавирус науқастардың көбеюіне байланысты жасанды тыныс алу аппаратына арналған оттегі баллондары жетіспей жатқаны туралы ақпарат пайда болды, деп хабарлайды zakon.kz.
Бұл туралы жергілікті кәсіпкер Болатбек Әлиев Facebook-те жазды.
"Шымкент - COVID. Желіде бөлісе отырыңыздар, әсіресе бизнестегі әріптестеріме құлаққағыс! Көмек керек. Қалада қиын жағдай. Жерлестер! Қаланың барлық ауруханалары толған. Саланың мамандары өте ауыр жағдайда жұмыс істеп жатыр, құрал-жабдық, оттегі баллондары жетіспеуде. Тез арада бір айға 200 баллон керек, жалға, ақшасын төлеймін, болмаса сарайда, қорада керексіз болып жатқан баллон болса, өздеріңіз жақын маңдағы медпункттерге жеткізіп тастасаңыздар да болады немесе бізге хабарлассаңыздар", делінген жазбада.