"Талибан" қозғалысы Ауғанстанды басқаратын 12 адамнан тұратын кеңес құрады.
Осылай деп Foreign Policy хабарлады.
Басылым дереккөзі хабарлағандай, кеңеске "Талибан" қозғалысының саяси қанатының лидері Абдул Ғани Барадар, әскери комиссияның басшысы, қозғалыстың негізін қалаушының ұлы Мұхаммед Якуб және "Хаккани желісі" террорлық тобының мүшесі Халиль Әл-Рахман Хаккани кіреді.
Басылым кеңеске белгілі ауған дала командирі Ахмад-Шах Масудтың ұлы Ахмад Масудтың да қосылуын қалағандар болғанын жазды. Ол қазір Панжшер провинциясында тәліптерге қарсы қозғалысты бастап жүр.
"Талибан" қозғалысы Ауғанстанда президенттік қызметті қалпына келтіруді әзірге жоспарлап жатқан жоқ. Бірқатар министр қызметтерін бұрынғы үкіметтің мүшелеріне ұсынып жатқан көрінеді.
