Қаржылық мониторинг агенттігі "Қазақфильм" АҚ-да тінту жүргізу туралы таратылған ақпараттың жалған екенін жеткізді, деп хабарлайды zakon.kz.
Атап айтқанда, Агенттіктің орталық аппаратымен және аумақтық департаменттерімен "Қазақфильмге" қатысты сотқа дейінгі тергеп-тексеру жүргізіліп жатқан жоқ, делінген хабарламада.
Сонымен бірге, Қылмыстық кодекстің 274-бабына сәйкес көрінеу жалған ақпарат тарату үшін бас бостандығынан айыруға дейін қылмыстық жауапкершілік қарастырылған.
Осыған байланысты, Агенттік жалған ақпаратты таратпауға және тек ресми ақпарат көздеріне сенім білдіруге шақырады.
