Синоптиктер 28-30 қыркүйекке арналған ауа-райы болжамымен бөлісті, деп хабарлайды zakon.kz.
Қазақстан аумағының басым бөлігі циклонның ықпалында болады. Атмосфералық фронтальды бөліктердің өтуіне байланысты еліміздің солтүстігінде, солтүстік-батысында, орталық пен шығыста жауын-шашынның (жаңбыр, қар) түсуіне, оңтүстікте, оңтүстік-шығыста найзағай жарқылдап, жаңбыр жаууына ықпал етеді. Еліміздің батысында, солтүстігінде, орталығында және шығысында тұман түсіп, жел күшейеді, солтүстік жартысында көктайғақ болады деп күтіледі.
"Еліміздің батысында сынап бағаны түнде 3 градус үсік жүреді, +7-22 градус жылы, солтүстік-батыста түнде 6 градус үсік жүреді, күндіз 0-13 жылы, солтүстікте түнде 3 градус үсік жүреді, күндіз +5-11 градус жылы, орталықта және шығыста түнде 3 граус үсік жүреді, күндіз + 3-11, 7-18 градус жылы болады деп болжанады, оңтүстік және оңтүстік-шығыста түнде +7-18 жылуды, күндіз +12-27 градус жылы болады деп күтіледі, деп хабарлайды "Қазгидромет" РМК.