ҚР Мәдениет және спорт министрлігі Спорт және дене шынықтыру істері комитетінің экс-төрағасы Серік Сәпиев енді қандай қызметке барайын деп отырғанын айтты, деп хабарлайды zakon.kz.
Блогер Динара Сатжанға берген сұқбатында шенеунік Ұлттық олимпиада комитетіндегі бір қызметке баратынын айтыпты. Бірақ нақты қандай қызмет екенін әлі өзі де білмейтін сияқты.
Екі күн бұрын Сәпиев Спорт және дене шынықтыру істері комитетінің төрағасы қызметінен босатылған еді.
Серік Сәпиев 2019 жылдың 30 қаңтарында комитет басшысы болып тағайындалған. Оған дейін шенеунік Сәпиев 2014-2017 жылдары "Astana Arlans" Бас директоры болған, ал 2013-2014 жылдары Қазақстан Бокс федерациясының спорттық директоры қызметін атқарған.